Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow penşenbe güni BMG-niň Baş Assambleýasynyň çäklerinde Serbiýa Respublikasynyň daşary işler ministri Marko Juriç bilen duşuşdy. Onuň barşynda söwda-ykdysady gatnaşyklary giňeltmegiň mümkinçiliklerine garaldy.
Türkmenistanyň Daşary işler ministrliginiň habar bermegine görä, taraplar ikitaraplaýyn gatnaşyklary çuňlaşdyrmaga we geljekki hyzmatdaşlyk üçin hukuk binýady kämilleşdirmäge bolan özara tagallalary beýan etdiler.
Türkmenistanyň DIM-niň Halkara gatnaşyklary instituty bilen Serbiýanyň DIM-niň Diplomatik akademiýasynyň arasynda hyzmatdaşlyk hakynda Ähtnama gol çekilmegi duşuşygyň möhüm netijesi boldy.
Şol gün Raşid Meredow Çehiýa Respublikasynyň daşary işler ministri Ýan Lipawski bilen hem duşuşdy.
