“SmartLog” kompaniýasy Türkmenistandan goňşu ýurtlara, şol sanda Eýrana tiz konteýner otlululy düzümde daşaljak konteýner toplumyny döretmegi teklip edýär. Bu barada kompaniýanyň Buýurmalary ýerine ýetirmek merkeziniň direktory Ýuriý Suharkow “Halkara ulag-üstaşyr geçelgeleri: özara arabaglanyşyk we ösüş – 2024” atly maslahatda belledi. Bu barada Türkmenistanyň resmi metbugaty habar berýär.
Bu başlangyç ýükleri daşamagy çaltlandyrmaga, logistika işini ýeňilleşdirmäge we hyzmatyň hilini ýokarlandyrmaga gönükdirilendir.
“SmartLog” Merkezi Aziýada üstaşyr geçirmek hyzmatlarynda öz mümkinçiliklerini hödürlemäge hem taýýar. Munuň özi ýük daşamalaryň gerimini giňeltmek üçin täze mümkinçilikleri açar.
“SmartLog” – ulag we logistika hyzmatlaryna ýöriteleşen, ýükleriň netijeli daşalmagy, şol sanda konteýner we demir ýol daşamalary üçin çözgütleri hödürleýän halkara kompaniýa bolup durýar.
Neşirimize ýazylmak üçin:
WhatsApp: Biznes Türkmenistan
Telegram: Biznes Türkmenistan
Instagram: Biznes Türkmenistan
Dzen: Бизнес Туркменистан
