Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türki döwletleriň guramasynyň Aksakgallar geňeşiniň 16-njy mejlisine gatnaşmak üçin anna güni Wengriýa iş sapary bilen bardy.
Türkmenistanyň resmi metbugatynyň habar beremgine görä, türkmen halkynyň Milli Lideri Gurbanguly Berdimuhamedowy Aşgabadyň Halkara howa menzilinde resmi adamlar ugratdylar.
Wengriýanyň paýtagtyna çenli uçuşdan soň, Türkmenistanyň Halk Maslahatynyň Başlygynyň uçary Ferents List adyndaky halkara howa menzile gondy. Bu ýerde Gurbanguly Berdimuhamedowy ýurduň resmi wekilleri garşyladylar.
Türki döwletleriň guramasynyň Aksakgallar geňeşiniň ozalky mejlisi şu ýylyň 11-12-nji martynda Türkmenistanyň paýtagty Aşgabatda geçirilipdi.
