Türkiýäniň Prezidenti Rejep Taýyp Ärdogan Türkmenistanyň Prezidenti Serdar Berdimuhamedowa Täze ýyl mynsaybetli gutlag hatyny iberdi. Bu barada Türkmenistanyň resmi metbugaty anna güni habar berdi.
Ärdogan öz hatynda Serdar Berdimuhamedowa Täze ýylda berk jan saglyk, rowaçlyk we üstünlikler arzuw etdi.
Şeýle hem dünýä döwletleriniň ýolbaşçylary, şol sanda Mongoliýanyň Prezidenti Uhnaagiýn Hurelsuh, Koreýa Halk Demokratik Respublikasynyň Döwlet işleri boýunça Başlygy Kim Çen Yn, Hytaý Halk Respublikasynyň Halk wekilleriniň Ählihytaý ýygnagynyň hemişelik komitetiniň Başlygy Çžao Leszi, Russiýanyň Sankt-Peterburg şäheriniň gubernatory Aleksandr Beglow Türkmenistanyň Prezidentine Täze ýyl gutlaglaryny ýolladylar.
Mundan öň, Mýanma Bileleşigi Respublikasynyň Döwlet dolandyryş Geňeşiniň Başlygy general Min Aun Hlaýng, Ykdysady Hyzmatdaşlyk Guramasynyň Baş sekretary Asad Majid Han, TÜRKSOÝ-nyň Baş sekretary Sultan Raýew, Ýewraziýa ykdysady komissiýasynyň kollegiýasynyň başlygy Bakytžan Sagintaýew, Moskwanyň we Bütin Rusuň Patriarhy Kirill, Russiýa Federasiýasynyň Astrahan oblastynyň gubernatory Igor Babuşkin, Türkmen-awstriýa jemgyýetiniň ýolbaşçysy Neda Berger, Döwletara awiasiýa komitetiniň başlygy Oleg Storçewoý Türkmenistanyň döwlet Baştutanyny gutlapdylar.
