Türkmenistanyň Maliýe we ykdysadyýet ministrligi döwlet eýeçiligindäki 29 desgany satmak boýunça bäsleşikli söwdanyň geçirilýändigini yglan etdi.
Hususylaşdyrmaga degişli döwlet emläkleriniň sanawy penşenbe güni “Neýtralnyý Türkmenistan” gazetinde çap edildi. Bäsleşikli söwda 2025-nji ýylyň 26-njy martynda döwlet eýeçiligindäki desgalary satmak boýunça sanly ulgam hem-de onuň mobil goşundysy arkaly geçiriler.
Bäsleşikli söwda çykaryljak iri desgalaryň hatarynda Balkan welaýatyndaky söwda merkezi, Mary welaýatyndaky et önümleri bölümi, Lebap welaýatyndaky maldarçylyk we guşçulyk hojalygy, Daşoguz welaýatyndaky turba zawody bar.
Bäsleşikli söwda şeýle hem hyzmat ediş desgalary, şol sanda dükanlar, kafeler, naharhanalar, edara binalary we önümçilik kärhanalary hödürleniler.
Bäsleşikli söwda Türkmenistanyň we daşary döwletleriň raýatlary hem-de Türkmenistanyň we beýleki ýurtlaryň döwlete dahylly bolmadyk ýuridiki şahslary göz öňünde tutulan kanunçylyk tertibine laýyklykda gatnaşyp bilerler.
Bäsleşikli söwda gatnaşmagyň tertibi barada maslahatlar we hususylaşdyrylýan desgalar barada goşmaça maglumatlar Türkmenistanyň Maliýe we ykdysadyýet ministrliginiň emläk gatnaşyklary we telekeçiligi goldamak bölümi we bu ministrligiň welaýatlardaky we Aşgabat şäherindäki ugurdaş bölümleri tarapyndan berilýär.
Bäsleşikli söwda gatnaşýanlara hususylaşdyrylýan desga baradaky maglumatlar bilen öňünden tanyşmaga mümkinçilikler döredilýär. Döwlet eýeçiligindäki desgalaryň hususylaşdyrylmagy ähli bildirilýän talaplara laýyklykda ýerine ýetirilýär.
