Türkmenistanyň Belgiýadaky ilçisi Sapar Palwanow Ýewropa Bileleşiginiň Merkezi Aziýa boýunça ýörite wekili Eduard Stipraýs bilen duşuşdy. Gepleşiklere gatnaşyjylar bilelikdäki başlangyçlary durmuşa geçirmegiň meselelerine garadylar.
Duşuşykda ikitaraplaýyn gatnaşyklaryň geljegine hem-de sebitara hyzmatdaşlygyň çäklerinde meýilleşdirilýän çärelere taýýarlyk görlüşine hem seredildi diýip Türkmenistanyň Belgiýadaky ilçihanasy penşenbe güni habar berdi.
Söhbetdeşler Türkmenistan bilen Ýewropa Bileleşiginiň arasyndaky özara gatnaşyklaryň esasy ugurlaryna hem-de ÝB-niň Merkezi Aziýa döwletleri bilen hyzmatdaşlyk strategiýalaryna uly üns berdiler.
S.Palwanow bilen E.Stipraýs hyzmatdaşlygyň hukuk binýadyny berkitmäge we sebitiň durnukly ösüşini goldamaga gönükdirilen netijeli hyzmatdaşlygy mundan beýläk-de ösdürmäge taýýardyklaryny beýan etdiler.
