2025-nji ýylyň oktýabr aýynda Aşgabatda “Türkmenistanyň nebit we gaz senagaty — 2025” atly 30-njy ýubleý forumy geçiriler. Bu çäre ýurduň energetika ulgamyndaky iň iri we döwrebap wakalaryň biri bolmagyna garaşylýar.
Forumyň guramaçylarynyň maglumatlaryna görä, häzirki wagta çenli 60-dan gowrak ýurduň 100-den gowrak wekili hasaba alyndy.
Forum “Energiýa. Innowasiýa. Ösüş” şygary astynda geçiriler we öňdebaryjy hünärmenleri, maýadarlardyr döwlet ýolbaşçylaryny özünde jemlär. Esasy üns Türkmenistanyň strategiýasy boýunça gaz eksportyny ösdürilmäge we täzeden dikeldilýän energiýa çeşmelerini ornaşdyrylmaga gönükdiriler.
Forumyň intellektual hyzmatdaşy bolan “S&P Global Platts” tarapyndan energetika, nebit-himiýa senagaty we sanly söwda platformalary boýunça möhüm meseleleri ara alyp maslahatlaşmak üçin ýapyk görnüşindäki tegelek stollar gurnalar. Uglerody tutmak we tebigy gazy ýeriň astynda saklamak boýunça tehniki bölümçeler “Gaffney Cline” kompaniýasynyň hem-de Nebit inženerleriniň jemgyýetiniň (SPE) hünärmenleri tarapyndan geçiriler.
Forumyň çäginde Türkmenistanyň täze energiýa taslamalary — şol sanda gün we ýel energiýasy birigip işledilýän gibrid elektrik stansiýasy hem-de metan we kömürturşy gazlarynyň çykarylyşyny azaltmak meseleleri ara alnyp maslahatlaşylar.
Çäräniň tehniki taýdan üstünlikli geçirilmegine uly goşant goşanjak “Auguste International” kompaniýasy onuň hemaýatkärleriniň biri hökmünde çykyş edýär.
Has giňişleýin maglumat we hasaba alynmak üçin resmi saýt elýeterlidir: www.ogt-turkmenistan.com
30635-90x604.jpg)
30625-90x604.jpeg)
_(1)30624-90x604.jpg)
