Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow çarşenbe güni Waşingtonda ABŞ-nyň syýasy meseleler boýunça Döwlet sekretary Marko Rubio bilen duşuşdy.
Amerikan tarapy Türkmenistan bilen ykdysady we söwda gatnaşyklarynyň ilerledilmegine, şeýle hem “C5+1” diplomatik formatynyň çäginde sebitleýin goşulyşmagyň ösdürilmegine ygrarlydygyny tassyklady. Bu barada Marko Rubio özüniň sosial ulgamdaky sahypasynda habar berdi.
“C5+1” platformasy Amerikanyň Birleşen Ştatlaryny we Merkezi Aziýanyň bäş ýurduny: Türkmenistany, Gazagystany, Gyrgyzystany, Täjigistany we Özbegistany birleşdirýän diplomatik gatnaşyklaryň bir görnüşidir. Bu platforma ykdysadyýet, energetika hem-de daşky gurşaw ýaly ugurlarda hyzmatdaşlygy ösdürmäge giň mümkinçilik berýär.
1992-nji ýylda ýola goýlan Türkmenistan bilen ABŞ-nyň arasyndaky ikitaraplaýyn gatnaşyklar BMG, ÝHHG we beýleki halkara guramalaryň çäklerinde ösdürilýär. Ýurtlar bilim, saglygy goraýyş hem-de oba hojalygy ugurlarynda hem hyzmatdaşlygy alyp barýar.
_(1)30624-495x4352.jpg)
30635-90x604.jpg)
30625-90x604.jpeg)
_(1)30624-90x604.jpg)
