“Türkmenistan” awiakompaniýasy 1-nji oktýabrdan başlap, Aşgabat – Türkmenbaşy ugry boýunça gündelik uçuşlaryň sanyny üçden iki gezege çenli azaldar. Bu barada awiakompaniýanyň resmi saýtynda habar berilýär.
Beýleki ugurlar boýunça tertip üýtgewsiz galýar: Aşgabat – Balkanabat we Aşgabat – Daşoguz ugry boýunça hepdede bäş uçuş, Aşgabat – Türkmenabat ugry boýunça alty uçuş, Aşgabat – Mary ugry boýunça üç uçuş we Aşgabat – Kerki boýunça iki uçuş ýerine ýetirilýär.
Sebit merkezleriniň arasynda göni gatnawlar öňküligine dowam eder: Daşoguz — Balkanabat, Türkmenabat, Mary; Türkmenabat — Balkanabat, Mary; Kerki — Balkanabat.
1992-nji ýylda döredilen “Türkmenistan” awiakompaniýasy ýurduň milli awiakompaniýasy bolup, içerki hem-de halkara gatnawlaryny amala aşyrýar. Ol Türkmenistany Ýewropanyň, Aziýanyň, GDA ýurtlarynyň hem-de Ýakyn Gündogaryň iri şäherleri bilen baglanyşdyrýar.
Awiakompaniýanyň uçarlarynyň flotunyň esasy bölegi häzirki zaman Boeing we Airbus kysymly uçarlardan ybarat bolup, olaryň arasynda ýük daşamak üçin niýetlenen modeller hem bar.
30738-90x604.jpg)
