Türkmenistan bilen Özbegistanyň arasyndaky söwda dolanyşygynyň möçberi 2025-nji ýylda 1,203 milliard ABŞ dollaryna barabar boldy. Bu barada Özbegistanyň Statistika baradaky döwlet komitetiniň hasabatynda maglumat berildi.
Hasabat döwründe Özbegistan Türkmenistandan 1,052 milliard ABŞ dollaryna deň bolan önümi import etdi. Degişli döwürde Özbegistanyň Türkmenistana eksporty 151,455 million ABŞ dollaryna barabar boldy.
Özbegistanyň 2025-nji ýylyň ýanwar–dekabr aýlarynda umumy daşary söwda dolanyşygy 81,2 milliard ABŞ dollaryna deň bolup, 2024-nji ýyl bilen deňeşdirilende 20,7 göterim ýokarlandy.
2025-nji ýylyň ýanwar–noýabr aýlarynda Türkmenistan bilen Özbegistanyň arasyndaky söwda dolanyşygynyň möçberi 1,064 milliard ABŞ dollaryna ýetdi.
