Türkmenistanyň Prezidenti Serdar Berdimuhamedowyň adyna Mukaddes Oraza aýynyň ýetip gelmegi mynasybetli dünýä liderlerinden, hökümet ýolbaşçylaryndan we ýokary derejeli wekillerden gutlag hatlaryň gelip gowuşmagy dowam edýär. Bu barada Türkmenistanyň resmi metbugaty sişenbe güni habar berdi.
Ýetip gelen Oraza aýy mynasybetli Eýran Yslam Respublikasynyň Prezidenti Masud Pezeşkian, Birleşen Arap Emirlikleriniň Prezidenti Şeýh Mohammed bin Zaýed Al Nahaýýan, Kuweýt Döwletiniň Emiri Şeýh Mişaal Al-Ahmad Al-Jaber Al-Sabah, Palestina Döwletiniň Prezidenti Mahmud Abbas, Birleşen Arap Emirlikleriniň wise-prezidenti,Premýer-ministriniň orunbasary, Prezidentiň iş dolandyryş ministri Şeýh Mansur bin Zaýed Al Nahaýýan, Birleşen Arap Emirlikleriniň wise-prezidenti, Premýer-ministri, Dubaýyň häkimi Şeýh Mohammed bin Raşid Al Maktum, Kuweýt Döwletiniň Mirasdüşer Şazadasy Şeýh Sabah Halid Al-Hamad Al-Sabah Türkmenistanyň döwlet Baştutanyny tüýs ýürekden gutladylar.
Gutlag hatlarda Türkmenistanyň Prezidenti Serdar Berdimuhamedowa berk jan saglyk, bagtyýarlyk, döwlet işlerinde üstünlikleri, parahatçylyk, abadançylyk we rowaçlyk arzuwlar beýan edilýär.
Mukaddes Oraza aýy dünýäniň ähli musulmanlary üçin haýyr-sogaply işler arkaly özlerini kämilleşdirmäge, jebisligi we raýdaşlygy pugtalandyrmaga ajaýyp mümkinçilik bolup durýar.
