Türkmenistan bilen Ermenistanyň arasyndaky özara söwda dolanyşygy 2026-njy ýylyň ýanwar-aprel aýlarynda 17,5 million ABŞ dollaryna ýetdi. Ermenistanyň Aşgabatdaky Adatdan daşary we Doly ygtyýarly ilçisi Arsen Awagýanyň maglumatlaryna salgylanyp, penşenbe güni THP habar berýär.
2025-nji ýylyň netijeleri boýunça Türkmenistanyň we Ermenistanyň arasyndaky söwda dolanyşygynyň möçberi 36,5 million ABŞ dollaryna golaýlady. Bu görkeziji öňki döwür bilen deňeşdirilende 60 göterimden gowrak artdy.
Geçen ýyllardaky görkezijilere görä, 2024-nji ýylda bu görkeziji 22,3 million dollar, 2022-nji we 2023-nji ýyllarda bolsa takmynan 21 million dollar derejesinde boldy.
Habarda bellenilişi ýaly, soňky ýyllarda iki ýurduň arasyndaky söwda gatnaşyklarynda durnukly ösüş depgini emele geldi. 2026-njy ýylyň ýanwar aýynda Ýerewanda geçirilen türkmen-ermeni işewürler forumy iki ýurduň arasyndaky özara söwdanyň giňelmegine goşant goşdy. Bu çäre iki ýurduň telekeçileriniň göni gatnaşyklaryny ösdürmek üçin netijeli meýdança boldy.
