Türkmenistanyň Prezidentiniň ak pata bermeginde 2025-nji ýylda dabaraly ýagdaýda açylan, Türkmenistanyň keramogranit plitalary we sanfaýans önümleri öndürýän “Eziz Doganlar Keramika” hojalyk jemgyýeti önümleriniň eksport gerimini has-da giňeldip, Azerbaýjana eksportyny ýola goýdy. Täze eksport tapgyry kärhananyň daşary ýurt bazarlaryna çykmak boýunça işleriniň giňeýändigini we Türkmenistanyň Günorta Kawkaz ugry boýunça söwda mümkinçilikleriniň artýandygyny görkezýär.
“Eziz Doganlar Keramika” hojalyk jemgyýetiniň direktory Gadam Hoşwagtowyň bellemegine görä, Türkmenistanda keramogranit plitalary we sanfaýans önümleri öndürýän öndürijisi bolup, kärhana awgust aýynda Gruziýa ilkinji eksportyny amala aşyrypdy. Kärhananyň önümleriniň Azerbaýjana täze tapgyrynyň iberilmegi “Eziz Doganlar Keramika” hojalyk jemgyýetiniň Günorta Kawkaz bazaryndaky geografiki çägini has-da giňeldýär.
Kärhanada öndürilýän keramogranit plitalary ýerli çig mallardan taýýarlanylyp, önümler ýokary berkligi, suw geçirmezligi we uly agrama çydamlylygy bilen tapawutlanýar. Olar döwrebap gurluşyk we binagärlik taslamalarynda ulanylýan keramiki önümlere bildirilýän häzirki zaman talaplaryna doly laýyk gelýär.
Türkmenistanda dünýä ülňülerine laýyk gelýän gurluşyk önümlerini öndürýän “Eziz doganlar keramika” hojalyk jemgyýetiniň önümleri, şol sanda Parahat 7-8, Gurtly, we Arkadag şäheriniň ikinji tapgyrynyň gurluşygynda hem giňden ulanylýar. Kärhana ýaşaýyş jaýlarynyň, mekdepleriň, çagalar baglarynyň we beýleki desgalaryň gurluşygynda ulanylmagy niýetlenilen dürli görnüşdäki keramogranit plitalary we sanfaýans önümlerini öndürýär.
“Eziz doganlar keramika” hojalyk jemgyýeti bilen habarlaşmak üçin:
Telefon belgileri: +(993 12) 753577, 753578
Elektron salgysy: info@ed-keramika.com
