Aşgabatda geçirilýän Türkmenistanyň Senagatçylar we telekeçiler birleşmesiniň 17 ýyllygy mynasybetli serginiň çäklerinde dünýäniň dürli ýurtlaryndan öňdebaryjy dizaýnerleri bir ýere jemlän halkara moda görkezilişi guraldy. Bu barada Türkmenistanyň resmi metbugaty duşenbe güni habar berdi.
Bu çäre Gündogar däpleriniň we Günbatar ýörelgeleriniň sazlaşyklygy utgaşygyny görkezdi.
Gözden geçirilşe daşary ýurtlardan dizaýnerleriň gatnaşmagy ony aýratyn ähmiýetli çärä öwürdi. Günbatar modasyny görkezen “Maison Avaro Figlio” italýan tikinçilik öýi, “Vivienne Westwood” atly lybaslar toplumy we fransuz dizaýneri Klod Patrigiň işleri özleriniň nepis biçüwi we ýokary derejede ýerine ýetirilendigi bilen tomaşaçylary haýran galdyrdy.
Marokkadan “Maison Regalia” modalar öýüniň “Hind Berrada” haryt nyşanly däp bolan nagyşlar bilen bezelen ýüpek köýnekleri, şeýle hem sergä gatnaşan Oman Soltanlygynyň Şazadasy we Şagyzy Razan, Mazen Abdullanyň “Yoland Brand” haryt nyşanly önümleri arkaly Gündogar stili tanyşdyryldy.
“Miras”, “Mähirli Zenan”, “Jennet tagty”, “Mynasyp”, “Nagyşly güzer”, “Gölli”, “Aina Sari” we “Aýperi” ýaly türkmen moda öýleriniň dizaýnerleri milli däpler we häzirki zaman ýörelgeler özara utgaşdyrylan el işlerini görkezdiler. Milli nagyşlar, keşdeçilik usullary we häzirki zaman ýörelgeleri utgaşdyrylan lybaslar akaýyp türkmen modasyny şöhlelendirýär.
Bu çäre “Vogue”, “ELLE”, “Vanity Fair” neşirlerinde, “Fashion TV” we “Al Arabiya TV” teleýaýlymlarynda giňden şöhlelendirildi. Munuň özi ÝUNESKO-nyň döredijilik şäherleriniň Dizaýn ugry boýunça eýeleýän derejesini hem-de dünýäniň moda senagatynda eýeleýän ornuny has-da berkitdi.
Surat: THP
