Türkmenistanyň Kamboja Patyşalygyndaky ilçisi Muhammetnyýaz Maşalow (Oturýan ýeri Malaýziýanyň Kuala-Lumpur şäheri) bilen Kambojanyň Daşary işler we hyzmatdaşlyk ministrliginiň Döwlet sekretary Tuot Panhoýyň arasynda sişenbe güni geçirilen duşuşygyň dowamynda iki ýurduň arasynda şu ýyl ýokary derejeli saparlary geçirmegiň ähmiýeti nygtaldy.
Türkmenistanyň Malaýziýadaky ilçihanasynyň habaryna görä, duşuşygyň barşynda iki ýurduň arasynda syýasy-diplomatik, söwda-ykdysady, medeni-ynsanperwer ugurlar boýunça hyzmatdaşlygyň meseleleri ara alnyp maslahatlaşyldy.
Şeýle hem taraplar Türkmenistan bilen Kambojanyň arasynda netijeli özara hyzmatdaşlygyň diňe bir ikitaraplaýyn bolman, eýsem halkara guramalarynyň arasyndaky hyzmatdaşlygy hem öz içine alýandygyny bellediler.
Ilçi Muhammetnyýaz Maşalow ozal Türkmenistanyň Kamboja Patyşalygynda ýerleşýän täze Siem Reap-Angkor Halkara howa menziline göni uçuşlary amala aşyrýan Merkezi Aziýada ilkinji ýurt bolmagy maksat edinýändigini aýtdy.
