Türkmenistanyň Döwlet haryt-çig mal biržasynyň (TDHÇMB) çarşenbe güni daşary ýurt puluna geçiren söwdalarynda KO-20 kysymly yşyklandyryjy kerosin satyldy. Bu barada Türkmenistanyň Döwlet haryt-çig mal biržasy habar berdi.
Owganystandan we Maltadan gelen işewürler umumy bahasy 9 million 228 müň ABŞ dollaryna deň bolan KO-20 kysymly yşyklandyryjy kerosini satyn aldylar. Birža söwdalarynda satylan bu önüm “Türkmennebit” döwlet konserniniň kärhanasynda öndürildi.
Şeýle hem içerki bazar üçin türkmen telekeçileri nah ýüplügini satyn aldylar. Geleşikleriň jemi bahasy 1 million 959,7 müň manatdan geçdi.
Türkmenistanyň Döwlet haryt-çig mal biržasynyň 2023-nji ýylyň soňky hepdesinde geçiren söwdalarynyň jemi bahasy 25 million 117 müň 900 ABŞ dollaryna deň boldy.
