Ahal welaýatynyň Tejen etrabynda kuwwatlylygy bir gije-gündizde 30 müň kub metr bolan suw arassalaýjy desganyň açylyş dabarasy geçirildi. Şol welaýatyň Ak bugdaý etrabynda bolsa bir gije-gündizde 15 müň kub metr bolan lagym suwuny arassalaýjy desga ulanmaga berildi. Bu barada Türkmenistanyň resmi metbugaty sişenbe güni habar berdi.
Açylyş dabaralaryna Mejlisiň deputatlary, ýerli häkimlikleriň ýolbaşçylary, jemgyýetçilik guramalarynyň wekilleri, ýaşuluar we ýaşaýjylar gatnaşdylar. Gatnaşyjylar ilatyň durmuş derejesiniň hilini ýokarlandyrmakda täze desgalaryň ähmiýetini belläp, agyz suwy bilen üpjün etmek meselelerine berilýän üns-aladalar üçin hoşallyk bildirdiler.
Dünýä derejeli enjamlar ornaşdyrylan döwrebap desgalar halkara ölçeglere laýyklykda suwuň ygtybarly arassalanylmagyny kepillendirýär.
Tejen etrabyndaky desga Türkmenistanyň Prezidenti Serdar Berdimuhamedowyň adyndan täze awtoulaglaryň sowgat berilmegi düzümiň tehniki enjamlaşdyrylyşyna uly üns berlendigine şaýatlyk edýär.
Şu ýylyň maý aýynda Türkmenistanyň döwlet Baştutany Serdar Berdimuhamedow gije-gündizdäki kuwwatlylygy 150 müň kubmetre deň bolan “Bagtyýarlyk” suw arassalaýjy desgasynyň açylyş dabarasyna gatnaşdy.
