Türkmenistan bilen ÝB Aşgabatda ministrler derejesinde geçiriljek maslahatyň taýýarlygyny maslahatlaşdylar

Türkmenistanyň Belgiýadaky ilçisi Sapar Palwanowyň Ýewropa Geňeşiniň ýolbaşçysynyň daşary syýasy işler boýunça baş geňeşçisi Anna-Mariýa Bura bilen duşuşygy boldy.

Ikitaraplaýyn gatnaşyklary ösdürmek we “ÝB – Merkezi Aziýa” ministrler derejesindäki maslahata taýýarlyk meseleleri gepleşikleriň esasy mazmununy düzdi. Bu barada Türkmenistanyň Belgiýadaky ilçihanasy çarşenbe güni habar berdi.

Söhbetdeşler hyzmatdaşlygyň hukuk binýadyny giňeltmegiň geljegine garadylar we özara gatnaşyklary çuňlaşdyrmak üçin çäreleri bellediler.

Ýewropa Birleşiginiň wekili Merkezi Aziýa ýurtlary bilen hyzmatdaşlygyň çäklerinde howpsuzlyk, ulag, energetika we durnukly ösüş ýaly ugurlaryň möhüm ähmiýetini nygtady.
 
2025-nji ýylda Aşgabat şäheri Ýewropa Bileleşigi bilen syýasy we ykdysady hyzmatdaşlygy mundan beýläk-de ösdürmäge gönükdirilen birnäçe halkara çäreleriň geçirilýän ýerine öwrüler. Şeýle çäreleriň hatarynda Hökümetara dialogynyň nobatdaky mejlisini, Merkezi Aziýa we Ýewropa Bileleşigi ýurtlarynyň daşary işler ministrleriniň 20-nji mejlisini hem-de halkara hyzmatdaşlyk boýunça Ýewropa komissary Ýutta Urpilaýneniň Türkmenistana sapary bar.