Aşgabatda “ÝB Türkmenistanyň ýaşyl ösüşi üçin: 2024-2028-nji ýyllar üçin syýasy dialog we howanyň üýtgemegine garşy hereketler” atly taslamasynyň ýolbaşçy toparynyň ikinji mejlisi geçirildi. Bu taslama ekologiýa we howanyň üýtgemegine garşy göreşmek ulgamynda Türkmenistan bilen Ýewropa Bileleşiginiň hyzmatdaşlygyny ösdürmekde möhüm ädim bolup durýar diýip, Türkmenistanyň resmi metbugaty penşenbe güni habar berdi.
Bu taslama Ýewropa Bileleşiginiň we Germaniýanyň Halkara hyzmatdaşlyk boýunça jemgyýetiniň (GIZ) goldaw bermeginde durmuşa geçirilýär.
Mejlise Ýewropa Bileleşiginiň, Germaniýanyň hem-de Türkmenistanyň birnäçe ministrlikleriniň, şol sanda Daşary işler ministrliginiň, Energetika ministrliginiň, “Türkmengaz” döwlet konserniniň, Daşky gurşawy goramak ministrliginiň wekilleri gatnaşdylar.
Bu taslama howanyň üýtgemegi bilen bagly syýasy ulgamda, ekologiýa taýdan arassa tehnologiýalaryň ornaşdyrylmagyny goldamakda hem-de howanyň üýtgemegine uýganlaşmaga ýardam bermekde Türkmenistan bilen ÝB-niň arasynda dialogy we bilelikdäki işleri ösdürmäge gönükdirilendir.
Bu başlangyç ekologiýa we howanyň üýtgemegi bilen bagly meseleler boýunça sebit hyzmatdaşlygyny pugtalandyrmaga ýardam edýän has iri “Ýaşyl” Merkezi Aziýa” maksatnamasynyň möhüm bölegini emele getirýär.
