Türkmenistan bilen Halkara Parlamentariler Kongresi parlamentara hyzmatdaşlygy berkitmegi maslahatlaşdy

Türkmenistanyň Yslamabatdaky ilçihanasy penşenbe güni Halkara Parlamentariler Kongresiniň (International Parliamentarians Congress – IPC) Baş sekretary, senator Sitara Aýazyň ýolbaşçylygyndaky wekiliýet bilen duşuşyk geçirdi. Bu barada Türkmenistanyň Pakistanadaky ilçihanasy habar berýär.

Duşuşygyň başynda türkmen tarapy ýurduň daşary syýasatynyň parahatçylykly ugurlaryna hem-de hemişelik bitaraplyk derejesine esaslanýan halkara hyzmatdaşlyk ýörelgelerine bagyşlanan ýörite tanyşdyryş çykyşyny ýerine ýetirdi. Şeýle hem Türkmenistanyň ykdysady mümkinçilikleri, esasy infrastruktura taslamalary hem-de Türkmenistanyň Mejlisiniň daşary ýurt parlamentleri we halkara parlament guramalary bilen hyzmatdaşlygy barada giňişleýin maglumatlar berildi.

Pakistanyň wekiliýeti Türkmenistanyň bitarap daşary syýasatyna minnetdarlyk bildirip, ýurduň milli parlamentiniň işine ýokary baha berdi.

Taraplar parlamentara gatnaşyklaryň mümkinçilikleri barada pikir alyşdylar. Şol sanda bilelikdäki çäreleri, konferensiýalary we forumlary guramak, kanun çykaryjylyk boýunça tejribe alyşmak hem-de häzirki zaman dünýä derejesindäki kynçylyklar boýunça hyzmatdaşlykda çäre görmek ýaly ugurlar maslahatlaşyldy.

Taraplar, parlamentara gepleşikleri ösdürmäge, kanun çykaryjylyk boýunça tejribe alyşmaga we häzirki zaman global meselelerine bilelikde jogap bermäge gönükdirilen bilelikdäki çäreleri, konferensiýalary we forumlary geçirmek ýaly özara gatnaşyklaryň görnüşlerini ara alyp maslahatlaşdylar.

Duşuşyga gatnaşyjylar parlamentara gatnaşyklaryň pugtalandyrylmagyna hem-de özara bähbitli, amaly hyzmatdaşlygyň ösdürilmegine gyzyklanma bildirýändiklerini tassykladylar.