2026-njy ýylyň 22-nji ýanwarynda Moskwa şäherinde Türkmenistanyň Russiýa Federasiýasyndaky Ilçisi Esen Aýdogdyýewiň başlyklyk etmeginde Garaşsyz Döwletleriň Arkalaşygynyň (GDA) Ykdysady geňeşiniň ýanyndaky Ykdysady meseleler boýunça toparynyň mejlisi geçirildi. Onuň dowamynda Türkmenistanyň 2026-njy ýylda GDA-da başlyklyk etmeginiň Konsepsiýasy tanyşdyryldy.
Konsepsiýada ileri tutulýan ugurlarynyň hatarynda GDA ýurtlarynyň arasynda ulag-logistika we energetika baglanyşygyny berkitmek, “GDA-nyň ulag geçelgeleriniň integrasiýasy” başlangyjyny durmuşa geçirmek we GDA-nyň Ykdysady forumyny geçirmek, şeýle-de beýleki möhüm ugurlar görkezildi. Bu barada GDA-nyň Ýerine ýetiriji komiteti habar berýär.
Mejlisiň dowamynda GDA-nyň Ykdysady geňeşiniň 109-njy mejlisiniň gün tertibiniň taslamasy hem-de Komissiýanyň 2026-njy ýyl üçin iş meýilnamasy tassyklanyldy. Mejlisiň nobatdaky sany 18-nji fewralda geçirilmegi meýilleşdirilýär.
Türkmenistan başlyklygynyň çäginde GDA-nyň agza döwletleriniň Baştutanlarynyň sammitini kabul eder. Bu çäre 2026-njy ýylyň 9-njy oktýabrynda Hazar deňziniň kenarynda ýerleşýän Awaza milli syýahatçylyk zolagynda geçiriler.
