Türkmenistanyň Prezidenti Serdar Berdimuhamedow Norwegiýanyň Patyşasy Hokon VIII-ä Onuň Alyjenaby, Norwegiýanyň Patyşasy Harald V-niň aradan çykmagy zerarly gynanç hatyny iberdi. Bu barada Türkmenistanyň resmi metbugaty ýekşenbe güni habar berdi.
“Patyşa Harald V çuňňur paýhas we jogapkärçilik bilen köp ýyllaryň dowamynda Norwegiýanyň yzygiderli ösüşi, onuň halkynyň agzybirliginiň berkidilmegi ugrunda zähmet çekdi” diýlip, Türkmenistanyň döwlet Baştutanynyň hatynda bellenilýär.
Türkmenistanyň Prezidenti Serdar Berdimuhamedow şu agyr pursatda Norwegiýanyň Patyşasy Hokon VIII-ä, maşgala agzalaryna hem-de Norwegiýanyň halkyna Türkmenistanyň halkynyň we Hökümetiniň adyndan, şeýle hem öz adyndan tüýs ýürekden gynanjyny hem-de medet beriji sözlerini beýan etdi.
Patyşa Harald V 1937-nji ýylyň 21-nji fewralynda Norwegiýanyň Asker şäherinde dünýä indi. Ol 1991-nji ýylyň 17-nji ýanwarynda kakasy Patyşa Olaf V-niň aradan çykmagyndan soň Norwegiýanyň tagtyna geçdi. Norwegiýanyň Patyşalyk köşgüniň resmi maglumatlaryna görä, Patyşa Harald V 2026-njy ýylyň 28-nji awgustynda aradan çykdy.
