Türkmenistanyň Daşary işler ministrliginde şenbe güni Ýewropa Bileleşiginiň täze bellenen Türkmenistandaky Adatdan daşary we Doly ygtyýarly Ilçisi Diego Ruiz Alonso bilen duşuşyk geçirildi. Bu barada DIM-iň resmi saýty habar berýär.
Duşuşygyň başynda, ilçini jogapkärçilikli wezipä bellenilmegi bilen gutlap, türkmen tarapy ähli ulgamlarda bilelikde hereket etmäge hem-de Ýewropa Bileleşiginiň wekilhanasyny goldamaga taýýardygyny beýan etdi.
Duşuşygyň çäklerinde Türkmenistan bilen Ýewropa Bileleşiginiň özara hyzmatdaşlyk meseleleri ara alyp maslahatlaşdy. Şeýle-de taraplar halkara guramalaryň çäklerindäki hyzmatdaşlygyň ähmiýetini hem-de dürli ulgamlarda gatnaşyklary kämilleşdirmek meselelerini maslahatlaşdylar.
Ýewropa Bileleşigi Türkmenistanda öz wekilhanasyny 2019-njy ýylda Aşgabatda açypdy.
Ýewropa Bileleşiginiň wekilhanasy ÝB-e agza ýurtlaryň ilçihanalarynyň işlerini utgaşdyrýar. Şeýle-de wekilhana Türkmenistanda hyzmatdaşlygyň dürli ugurlary boýunça gatnaşyklaryň ýola goýulmagy boýunça iş alyp barýar.
