Aşgabat şäheriniň häkimi Ýaztagan Gylyjow Özbegistanyň paýtagtynyň häkimi Jahongir Artykhojaýewiň ýolbaşçylygyndaky wekiliýet bilen Aşgabadyň taryhy merkeziniň Magtymguly köçesinde 3 gektar meýdanda guruljak “Daşkent” seýilgähiniň taslamasynyň başlangyç tapgyry bilen tanyşdylar.
Daşkent şäher häkimliginiň resmi saýtynyň duşenbe güni habar berşine görä, Özbegistanyň paýtagtynyň häkimi Jahongir Artykhojaýewiň ýolbaşçylygyndaky wekiliýet 17-nji martda Aşgabada iş sapary bilen geldi.
Habarda bellenilişi ýaly, taraplar ikitaraplaýyn özara bähbitli hyzmatdaşlygy giňeltmegiň ähmiýetine garadylar.
Türkmenistanyň Prezidenti Gurbanguly Berdimuhamedow 2021-nji ýylyň 17-nji fewralda Özbegistan Respublikasynyň daşary işler ministri Abdulaziz Kamilow bilen geçiren duşuşygynda Aşgabatda “Daşkent” atly seýilgähiň guruljakdygyny aýtdy.
2018-nji ýylda Özbegistanda dostlukly hereket hökmünde “Aşgabat” seýilgähi açyldy.
