Bilermenler toparynyň agzalary GDA agza ýurtlaryň 2023-2024-nji ýyllar üçin ynsanperwer hyzmatdaşlygy pudagynda ileri tutulýan çäreleriň meýilnamasynyň taslamasyny ara alyp maslahatlaşdylar. Bu barada Türkmenistanyň resmi metbugaty duşenbe güni habar berdi.
Duşuşyk gibrid görnüşde geçirildi we oňa Türkmenistanyň, Azerbaýjanyň, Ermenistanyň, Belarusyň, Gazagystanyň, Russiýanyň, Täjigistanyň, Özbegistanyň, Ynsanperwer hyzmatdaşlygyň döwletara gaznasynyň we GDA-nyň Ýerine ýetiriji komitetiniň wekilleri gatnaşdylar.
Duşuşyga gatnaşyjylar gyzyklanýan taraplaryň meýilnamasynyň taslamasy üçin degişli tekliplere garadylar. Bilermenler tassyklanandan soň, resminama ýakyn wagtda geçiriljek GDA-nyň Daşary işler ministrleriniň geňeşiniň hem-de GDA-nyň Hökümet Baştutanlarynyň Geňeşiniň mejlisiniň garamagyna hödürlener.
Meýilnama 10 bölümden ybarat bolup, 300-den gowrak çäräni öz içine alýar.
Şeýle resminamanyň kabul edilmegi GDA gatnaşyjy döwletleriň arasynda bilim, ylym, medeniýet, maglumat we köpçülikleýin aragatnaşyk, kitap neşir etmek we çap etmek, şeýle hem agza ýurtlaryň arasynda sport we syýahatçylyk ugurlarynda köptaraplaýyn hyzmatdaşlygy utgaşdyrmaga mümkinçilik berer.
