Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredow 13-15-nji fewral aralygynda geçiriljek Bütindünýä Hökümet sammitine gatnaşmak üçin Birleşen Arap Emirliklerine (BAE) barar. Bu barada BAE-niň Türkmenistandaky ilçihanasy çarşenbe güni habar berdi.
Habarda bellenilişi ýaly, sammite 20 sany döwletiň hökümet baştutanlary, 250-den gowrak ministrler we 10 müň sany halkara hökümetiniň hünärmenleri, bilermenleri, şeýle hem dürli ýurtlaryň hünärmenleri gatnaşarlar.
Dubaýda geçiriljek sammite 80-den gowrak halkara, sebit we hökümet guramalary hem gatnaşar.
Mundan başga-da, BAE-niň Türkmenistandaky ilçihanasy Türkmenistanyň Halk Maslahatynyň Başlygy, türkmen halkynyň Milli Lideri Gurbanguly Berdimuhamedowyň iş sapary bilen Birleşen Arap Emirliklerine barjakdygyny mälim etdi.
