Türkmenistanyň Prezidenti Serdar Berdimuhamedowyň 10-11-nji aprelde Täjigistana meýilleşdirilen döwlet sapary wagtlaýynça yza süýşürildi. Bu barada Täjigistanyň Prezidentiniň resmi metbugatyna salgylanyp, “Asia-Plus” habarlar gullugy şenbe güni mälim etdi.
Döwlet sapary Türkmenistanyň Prezidentiniň enesiniň we Türkmenistanyň Halk Maslahatynyň Başlygy Gurbanguly Berdimuhamedowyň käbesiniň aradan çykanlygy zerarly yza süýşirildi.
Mundan başga-da, 8-nji aprelde meýilleşdirilen Täjigistan bilen Türkmenistanyň işewürler geňeşiniň ilkinji mejlisi we 9-nji aprelde meýilleşdirilen iki ýurduň telekeçileriniň işewürlik forumy ýatyryldy.
Täjigistanyň Prezidenti Emomali Rahmon şenbe güni Türkmenistanyň Prezidenti Serdar Berdimuhamedowa we türkmen halkynyň Milli Lideri, Halk Maslahatynyň Başlygy Gurbanguly Berdimuhamedowa gynanç hatyny iberdi.
