Futbol Assosiasiýalarynyň Halkara Federasiýasynyň (FIFA) Prezidenti Janni Infantino penşenbe güni iş sapary bilen Türkmenistana geldi. Bu barada Türkmenistanyň resmi metbugaty habar berdi.
Habarda bellenilişi ýaly, Aşgabat şäheriniň Halkara howa menzilinde Janni Infantinony Türkmenistanyň Futbol federasiýasynyň ýolbaşçylary garşy aldylar.
Aşgabat halkara howa menzilinde Gianni Infantino Türkmenistanyň Futbol federasiýasynyň ýolbaşçylary bilen duşuşdy.
Bir günlük iş saparynyň dowamynda FIFA-nyň Prezidenti Türkmenistanyň ýolbaşçylary, şeýle hem türkmen hökümetiniň wekilleri we milli Futbol federasiýasynyň ýolbaşçysy bilen Türkmenistanda futboluň ösüşi we özara hyzmatdaşlygyň geljegi barada pikir alyşmak üçin duşuşyk geçirer.
FIFA-nyň Prezidenti Merkezi Aziýa boýunça iş saparynyň dowamynda Gyrgyz Respublikasyna (4-5-nji maý) we Özbegistana (5-6-njy maý) barar.
Janni Infantino 2016-nji ýyldan bäri Futbol Assosiasiýalarynyň Halkara Federasiýasyna ýolbaşçylyk edýär. Janni Infantino şu ýylyň 16-njy martynda Ruandanyň Kigali şäherinde geçirilen FIFA-nyň 73-nji kongresinde 2027-nji ýyla çenli bu wezipä ikinji möhlete saýlandy.
