“Türkmentelekom” döwlet elektrik aragatnaşyk kompaniýasy işewürler we döwlet düzümleri üçin ýörite taýýarlanylan öňdebaryjy hosting çözgütleri hödürlemek bilen, sanly hyzmatlarynyň germini giňeldýär.
Kompaniýa wirtual bölünen serwerleri, bölünen (fiziki) serwerleri, kolokoasiýa hyzmatalary hödürleýär, diýip, kompaniýanyň metbugat gullugy anna güni habar berdi.
Bu çözgütler islendik möçberdäki web-taslamalar üçin netijeli hostingi üpjün etmek bilen, programma şeýle hem, enjamlaýyn üpjünçiligiň doly administratiw dolandyryşyny hödürleýärler. Bazaryň her dürli isleglerini kanagatlandyrýan bu işläp taýýarlamalar ulanyjylaryň giň toparyna niýetlenendir.
Wirtual serwerler döwlet we hususy web-saýtlary, habarlar platformalaryny we internet-dükanlaryny ýerleşdirmek üçin örän amatlydyr. Kolokasiýa hyzmatlary iri korporatiw düzümleriň, maglumatlar bazalarynyň we poçta hyzmatlarynyň işini goldaýar. Bölünen serwerler köp görülýän web-saýtlar, oýun meýdançalary we işewürlik goşundylary üçin has oňaýlydyr.
“Türkmentelekomyň” hosting hyzmatlary iri maglumatlar bazalarynyň, wideohostingiň, onlaýn ýaýlyma bermekligiň, iri media web-saýtlaryň, sanly bank hyzmatlarynyň, telelukmançylyk gowşundylarynyň dolandyryşyny ýeňilleşdriýär. Kompaniýa müşderileriň barha özgerýän isleglerini kanagatlandyrmak üçin özüniň tehnologiýa düzümlerini döwrebaplaşdyrmagy dowam edip gelýär.
Aşgabatda baş edarasy, ýurdumyzyň ähli ýerine şahamçalary ýerleşýän kompaniýa 1993-nji ýylyň 7-nji aprelinde esaslandyrylyp, maglumat aragatnaşyk hyzmatlaryny ulanyjylaryň uly toplumyny özüne birleşdirýär. 2022-nji ýylda “Business Initiative Directions” (BID) atly abraýly halkara guramasy elektrik aragatnaşyk kompaniýasyna öňdebaryjy tehnologiýalary ornaşdyrandygy we aragatnaşygyň ýokary hili üçin ýokary derejeli “ Altyn” derejesini berdi. 2006-njy ýylda Madrid şäherinde “BID” guramasynyň ýyllyk bäsleşiginde harytlaryň önümçiligi we hödürleýän hyzmatlary üçin kompaniýa “Platin” derejä eýe boldy.
Neşirimize ýazylmak üçin:
WhatsApp: Biznes Türkmenistan
Telegram: Biznes Türkmenistan
Instagram: Biznes Türkmenistan
Dzen: Бизнес Туркменистан
