Aşgabadyň golaýyndaky Köpetdagyň eteklerinde ýerleşýän Berzeňňi tebigy çeşmesinden alynýan mineral bejeriş suwy "Berzeňňi" öz görnüşlerini giňeltdi. Bu ädim, diňe bir peýda däl, eýsem dürli tagamlary hem gözleýän sarp edijileriň arasynda ýerli, özboluşly önümiň çekijiligini ýokarlandyrmaga gönükdirilendir.
Häzirki wagtda esasy görnüşi bilen birlikde, Türkmenistanyň dermanhanalarynda "Berzeňňi" mineral bejeriş suwynyň täze tagam görnüşleri hödürlenilýär, olaryň arasynda zenjebil, ülje, aloe wera, limon, ýertudana, ženşen we gibiskusyň ekstraktlary bar.
Mundan başga-da, sarp edijileriň islegine kanagatlandyrmak üçin, kärhana dünýäde meşhur brendler bolan, kola we tonik tagamly görnüşlerini çykardy, şonda-da suwuň ähli mineral bejeriş häsiýetlerini saklady.
"Berzeňňi" suwunyň özboluşlylygy onuň baý tebigy düzümi bilen şertlendirilendir. Ol sulfat-magniý-kaliý mineral suwlarynyň toparyna degişli bolup, 24 sany mikroelementi öz içine alýar. Suwuň minerallaşmasy 3,4 g, çeşmäniň tebigy temperaturasy bolsa 37 gradusa ýetýär.
"Berzeňňi" suwy hünärmenler tarapyndan giň gerimli meselelerde, şol sanda: aşgazan-içege ýollarynyň kesellerinde (hroniki gastrit, ýara keselleri, kolit), süýji keselinde we böwrek kesellerinde maslahat berilýär.
Kärhananyň önümçilik kuwwaty ýylda 5 million çüýşe suw (250 we 500 ml göwrümli) gazly we gazsyz görnüşde öndürmäge mümkinçilik berýär. Yzygiderli ýokary hili üpjün etmek üçin suw köp derejeli arassalamadan geçirilýär, bu bolsa lukmançylyk önümçiliginiň berk halkara ülňülerine laýyk gelýär.
Çeşme: THP
30635-90x604.jpg)
30625-90x604.jpeg)
_(1)30624-90x604.jpg)
