Türkmenistanda gurluşyk serişdelerini öndürýän “Ak Bulut” hojalyk jemgyýeti Özbegistana 120 müň inedördül metr asma potoloklaryny eksport etdi. Bu uly möçberli eksport tapgyry türkmen öndürijisiniň halkara bazarlaryndaky ornuny giňeltmek boýunça alyp barýan işleriniň nobatdaky ädimi boldy.
Kärhananyň eksport möçberleri döwrebap önümçilik kuwwatlyklary we önümleriniň halkara talaplaryna laýyk gelmeginiň esasynda yzygiderli artdyrylýar. Asma potoloklar nemes inženerçilik tehnologiýalary esasynda işleýän doly awtomatlaşdyrylan önümçilik liniýalarynda taýýarlanýar. Bu önümçilik çözgütleri plitalaryň we profilleriň ýokary takyklykda öndürilmegini üpjün edip, gurnama işlerini ýeňilleşdirýär we önümleriň daşary ýurt bazarlarynda bäsdeşlige ukyplylygyny güýçlendirýär.
Ýewropanyň CE belgisine eýe bolan “Ak Bulut” kärhanasynyň önümleri ISO 9001, ISO 14001 hem-de ISO 45001 halkara standartlaryna laýyklykda öndürilýär. Şeýle hem asma potoloklary ýangyn howpsuzlygynyň ýokary talaplaryna gabat gelip, çyglylyga çydamly aýratynlyklary bilen tapawutlanýar.
“Özbegistana iberilen 120 müň inedördül metr asma potoloklaryň eksporty daşary ýurt hyzmatdaşlarynyň türkmen önümçiligine bolan gyzyklanmasynyň artýandygyny görkezýär. Biz eksport ugurlarymyzy giňeltmegi we halkara üpjünçilikleriň möçberini artyrmagy dowam etdirýäris” diýip, “Ak Bulut” hojalyk jemgyýetiniň esaslandyryjysy Gündogdy Atakow belledi.
“Ak Bulut” kärhanasynyň önümçilik desgalarynyň biri Ahal welaýatynyň “Ammarlar toplumy” senagat zolagynda ýerleşýär. Bu önümçilik sehinde asma potoloklar, olara degişli profiller we dürli goşmaça metal önümleri öndürilýär. Zawodyň ýyllyk kuwwaty 4 million inedördül metre çenli asma potolok we profil, şeýle hem umumy möçberi 7 müň tonna ýetýän sinklenen metal önümlerini öndürmäge mümkinçilik berýär. Şeýle hem, kärhananyň Lebap welaýatynda ýerleşýän önümçilik zawody ýylda 4 million inedördül metr gipsokarton hem-de 50 müň tonna gury gurluşyk garyndylaryny öndürmäge ukyplydyr.
Häzirki wagtda “Ak Bulut” kärhanasy öz önümlerini Özbegistana, Gyrgyzystana, Owganystana, Ermenistana, Gruziýa, Azerbaýjana we Türkiýä eksport etmek bilen, türkmen gurluşyk harytlarynyň sebit bazarlaryndaky ornuny berkidýär.
"Ak Bulut" hojalyk jemgyýeti bilen habarlaşmak üçin:
Telefon belgileri:
+993 62 14 00 44
+993 62 24 00 44
+993 12 75 42 44
Elektron salgysy:
info.akbulut.es@gmail.com
export@akbulut.info
Web sahypasy:
