“Her gün” hususy kärhanasy Lebap welaýatynyň Saýat etrabynda süýt önümlerini öndürmek bilen meşgullanýar.
Türkmenistanyň Senagatçylar we telekeçiler birleşmesiniň agzasy bolan “Her gün”-de her gün sygyr süýdüniň 2.5 tonnasy gaýtadan işlenilip, süýt, gatyk, gaýmak, dorog, peýnir önümleri taýýarlanyp ilata ýetirilýär.
Kärhanada Türkiýäniň we Nederlandlaryň döwrebap tehnikalary ulanylyp, süýt önümlerinden başga-da, çipsleriň bäş görnüşi, tagamly guradylan çörek bölejikleriniň alty görnüşi öndürilýär. Bu önümleriň her gün 36 müň gaby taýýarlanylýar.
