“Türkmengaz” döwlet konserniniň “Lebapgazçykaryş” müdirligi şu ýylyň ýanwar-fewral aýlary boýunça 1 mlrd. 555 mln. kub metr gaz almak bilen öňde goýlan meýilnamany 141% ýerine ýetirdi.
Gazy almak bilen bir hatarda, gaz kondensatynyň önümçiligi hem artdyryldy. Bu döwür üçin “Lebapgazçykaryş” müdirligi 11,3 müň tonna gaz kondensatyny alyp, meýilnamany 136.5% ýerine ýetirdi.
“Lebapgazçykaryş” müdirliginiň Kükürtli önümçilik bölümi Kükürtli, Malaý, Bagaja, Sakar, Çartak, Farap we Täjibaý ýataklarynda operatiw-tehniki gözegçilik işlerini ýerine ýetirýär. Bu ýerlerde 400-den gowrak hünärmen zähmet çekýär. Bu döwür üçin önümçilik meýilnama 150% ýerine ýetirildi.
“Lebapgazçykaryş” müdirliginiň hünärmenleri geçen ýyl sekiz milliard kub metrden gowrak “mawy ýangyç” we 50 müň tonnadan gowrak gaz kondensatyny öndürdiler.
