“Miwe merkezi” hojalyk jemgyýetinde şu ýylyň birinji ýarymynda 374 müňden gowrak banka gaplanan gök önüm taýýarlanyldy. Bu barada Türkmenistanyň resmi metbugaty şenbe güni habar berdi.
Bellenilişi ýaly, diňe iýun aýynda kärhana boýunça 46 müň gap öndürilip, olar ýurdumyzyň bazarlaryna ugradyldy.
Kärhananyň ýyllyk kuwwaty 500 müň gap önüm öndürmäge niýetlenendir.
“Miwe merkezi” hojalyk jemgyýetiniň önümçilik kärhanasy Çärjew etrabynda ýerleşip, kärhana daşary ýurt kompaniýalaryň öňdebaryjy tehnikalary bilen enjamlaşdyrylandyr.
