Kompozit armaturasynyň önümçiligini alyp barýan “Senagat tehnologiýalary” açyk görnüşli paýdarlar jemgyýeti (AGPJ) aýna süýüminiň önümçiligini ýola goýdy. Bu barada “Rysgal gazeti” duşenbe güni habar berdi.
Aýna süýümi kompozit armaturasyny öndürmek üçin gerek bolan çig maldyr.
Türkmenistanyň Senagat we gurluşyk önümçiligi ministrliginiň Türkmenistanyň Senagatçylar we telekeçiler birleşmesiniň agzasy «Algap» hususy kärhanasy bilen bilelikde döredilen bu kompaniýa önümiň nusgalyk görnüşlerini öndürdi we degişli döwlet edaralaryndan laýyklyk sertifikatlaryny aldy.
“Senagat tehnologiýalary” AGPJ ýylda 500 tonna bolan aýna süýümini öndürmäge ukyply.
Aýna süýüminiň ýanmazlyk, ýylylyga, himiki hem-de biologik täsirlere garşy durma ukyby bardyr. Şeýle hem bu önüm senagat we gurluşyk pudaklarynda giňden ulanylýar.
Şeýle-de bu kompaniýa, gaýtadan işlemek üçin ýurdumyzyň çäklerinde ulanyşdan galan çüýşe gaplaryny, aýna önümlerini ýygnamakda degişli işler alyp barýar.
