Türkmenistanyň paýtagty Aşgabat şäherinde ýerleşýen Söwda-senagat edarasynyň sergiler zalynda 2024-nji ýylyň 15-17-nji maýynda “Agro Pack Turkmenistan 2024” azyk önümçiliginiň döwrebap tehnologiýalarynyň halkara sergisi geçiriler.
Bu sergä Türkmenistanyň ministrlikleri, pudaklaýyn dolandyryş edaralary, Türkmenistanyň Senagatçylar we telekeçiler birleşmesiniň agzalary, daşary ýurt kompaniýalary hem-de işewürleri gatnaşarlar.
Türkmenistanyň Söwda-senagat edarasynda geçiriljek “Agro-Pack Turkmenistan” sergisi bilen birlikde “Turkmen Food 2024” sergisi hem geçiriler. Bu sergini Türkmenistanyň Söwda-senagat edarasy bilen “Sofuar” kompaniýasy gurnaýar.
Sergä gatnaşyjylar esasan şu ugurlar boýunça önümlerini we hyzmatlaryny hödürlärler:
- azyk önümçiliginiň enjamlary;
- gaplama önümleri we gaplama enjamlary;
- azyk önümleri we iýmit goşundylary;
- çörek we çörek önümleriniň tehnologiýalary;
- däne saklaýyş we degirmen ulgamlary;
- ýyladyşhana, bagçylyk we tokaýçylyk ugurlary;
- guşçulyk we maldarçylyk üçin niýetlenen enjamlar;
- oba hojalyk önümleri, tohumlar we dökünler
- suwaryş ulgamlary.
Türkmenistanyň, Germaniýanyň, Azerbaýjanyň, Gollandiýanyň, Eýranyň, Moldowanyň, Özbegistanyň, Russiýanyň we Türkiýäniň kompaniýalarynyň 77-si geçen ýyl geçirilen “Agro Pack Turkmenistan 2023” sergisine gatnaşdylar.
Serginiň resmi web sahypasy: ashgabat.agro-pack.com
