Türkmenistanyň Prezidenti Serdar Berdimuhamedow “Daşary ykdysady gatnaşyklarda puly kadalaşdyrmak we pula gözegçilik etmek hakynda” hereket edýän Kanuna üýtgetmeler we goşmaçalar girizmek hakynda Kanuny tassyklady.
“Neýtralnyý Türkmenistan” gazetiniň şenbe güni habar bermegine görä, täze girizilen üýtgetmeler daşary ýurt amallarynyň ýurduň Merkezi banky tarapyndan gözegçiliginiň amala aşyrylmagynyň ýola goýulmagyny göz öňünde tutýar.
Gözegçiligiň maksady pul amallarynyň milli kanunçylyga laýyk getirilmegini, olaryň netijeliligini hem-de ýygymlaryň we maglumatlaryň seljerilişini üpjün etmekden ybaratdyr. Resminama laýyklykda, Merkezi bank pul amallaryna gatnaşyjy dahylly taraplardan hem-de pula gözegçilik edýän agentlerden maglumatlary soramak hukugy ýaly giňeldilen ygtyýarlyklara eýe bolar. Şeýle hem barlag we düzgüniň bozulandygy üçin maliýe jerimeleri girizmegiň tertibi işlenip taýýarlanylar.
Täze girizilen üýtgetmeler pula gözegçilik edýän edara hökmünde Merkezi bankyň eýeleýän ornuny anyklaşdyrýar we dahylly we dahylly däl taraplara jerime salmagyň täze düzgünlerini girizýär.
Kabul edilen çäreler daşary ykdysady amallaryň açyklygyny ýokarlandyrmaga, pul dolandyryş ulgamyny kämilleşdirmäge we ýurtda maliýe durnuklylygy berkitmäge gönükdirilendir.
