Aşgabat şäherinde 11–13-nji awgust aralygynda Türkmenistanyň gümrük gullugynyň işgärleri we strategik söwda gözegçiligine gatnaşýan beýleki döwlet edaralarynyň wekilleri üçin seminar geçirilýär. Bu barada Türkmenistanyň Ýewropa Bileleşiginiň wekilhanasy habar berdi.
Şeýle hem seminar Merkezi Aziýa hem-de Ýakyn Gündogar we Demirgazyk Afrika (MENA) sebitleri üçin goşa maksatly harytlaryň eksportyna gözegçilik boýunça EUP2P maksatnamasynyň 105-nji taslamasynyň çäklerinde geçirilýär. Taslama Germaniýanyň Ykdysadyýet we eksport gözegçiligi boýunça federal edarasy (BAFA) tarapyndan durmuşa geçirilýär.
Seminary Türkmenistanyň Germaniýadaky wagtlaýyn işler ynanylan wekili Peggi Berndt açdy. Bu barada Germaniýanyň Türkmenistandaky ilçihanasy habar berdi.
Çäräniň maksady gümrük taýdan resmileşdiriş nokatlaryndan geçýän strategik harytlary we materiallary netijeli seljermek, kesgitlemek hem-de klassifikasiýa etmek boýunça işgärleriň tehniki mümkinçiliklerini ýokarlandyrmakdan ybaratdyr.
