Azerbaýjan 155 million kub metrden gowrak türkmen gazyny import etdi

2025-nji ýylyň ýanwar-aprel aýlarynda Azerbaýjan Respublikasy Türkmenistandan 155,3 million kubmetr tebigy gaz import etdi. Bu barada Azerbaýjanyň Statistika baradaky döwlet komiteti habar berdi.

Görkezilen döwürde satyn alnan gazyň jemi bahasy $23,3 million dollara deň boldy.

Ýylyň ilkinji dört aýynda Azerbaýjan jemi 176,5 million kubmetr tebigy gaz import edip, onuň möçberi $27,2 million dollara barabar boldy.

Şol döwürde Azerbaýjan daşary ýurt bazarlaryna 8,2 milliard kubmetr tebigy gaz eksport edip, onuň umumy bahasy $3,1 milliard dollaryna deň boldy. Esasy eksport ugry Gruziýa, Serbiýa, Türkiýe, Bolgariýa, Italiýa we Gresiýa bolup, bu Azerbaýjanyň Günorta Kawkaz we Günorta-Gündogar Ýewropa sebitleýin energiýa üpjünçiligi boýunça möhüm üpjün ediji bolup durýandygyny görkezýär.

Dünýäde tebigy gaz baýlyklary boýunça dördünji orunda durýan Türkmenistan uzak möhletleýin şertnamalar esasynda, alyş-çalşyk usuly arkaly esasan Hytaýa we Eýrana eksport edýär, şeýle hem sebitleýin energetika hyzmatdaşlygynyň çäginde Azerbaýjana gaz iberýär.