Türkmenistanyň Ministrler Kabinetiniň Başlygynyň Orunbasary, Daşary işler ministri tarapyndan ýolbaşçylyk edilýän Türkmenistanyň resmi wekiliýeti Halkara ykdysady foruma gatnaşmak üçin Sankt-Peterburg şäherine geldi.
Sankt-Peterburgyň Halkara ykdysady forumy (SPHYF) 1997-nji ýylda geçirilip başlandy. 2006-njy ýyldan bäri bolsa Russiýa Federasiýasynyň prezidentiniň ýolbaşçylygynda we gatnaşmagynda geçirilýär.
Türkmen wekiliýeti forumyň plenar mejlisine gatnaşyp, Türkmenistanyň beýleki döwletler hem-de halkara guramalar bilen hyzmatdaşlygynyň pugtalandyrylmagyna gönükdirilen ikitaraplaýyn duşuşyklaryň hem birnäçesini geçirer.
SPHYF-2019-yň esasy çäreleri 6–8 iýun aralygynda “Ekspoforum” Maslahat we sergiler merkezinde geçirilýär.
