Türkmenistanda Halkara zenanlar gününiň dynç güni 9-njy marta geçirildi

Türkmenistanyň Prezidenti Serdar Berdimuhamedow anna güni geçirilen Ministrler Kabinetiniň nobatdaky mejlisinde Halkara zenanlar güni mynasybetli dynç gününi süýşürmek baradaky Permana gol çekdi.

“Watan habarlary” gepleşiginiň habar bermegine görä, resminama Türkmenistanyň Zähmet kodeksiniň 81-nji maddasynyň 2-nji bölegine laýyklykda kabul edildi we 2026-njy ýylyň 8-nji martyndaky dynç güni 9-njy marta — duşenbe gününe geçirildi.

Resminama laýyklykda, eýeçiligiň görnüşine garamazdan ähli edaralar, kärhanalar we guramalar bu Permananyň ýerine ýetirilmegini üpjün etmeli.

Mundan ozal Türkmenistanyň Prezidenti Serdar Berdimuhamedow her ýylyň 8-nji martynda bellenilýän Halkara zenanlar güni mynasybetli pul sowgatlaryny bermek baradaky Buýruga hem gol çekipdi.